محترم حضرت حکیم صاحب السلام علیکم!اپنے چند تجربات تحریر کر رہی ہوں جو میرے آزمودہ ہیں‘ان شاءاللہ عبقری قارئین کو اس سے بہت فائدہ ہو گا۔
کراہت بھرے مسئلےکا خوشبو دار علاج
جب بھی کھانا پکاتے ہوئے یا تڑکا لگاتے ہوئے لہسن ‘پیاز کاٹیں تو ہاتھوں سے بدبو آتی ہے اور جلدی جانے کا نام نہیں لیتی اور بعض لوگوں کو یہ بات بالکل برداشت نہیں ہوتی تو اس سے نجات کے لیے ایسا کریں کہ اگر آپ لہسن یا پیازدونوں میں سے کسی بھی چیز کا تڑکا لگا رہے ہیں تو اس کی جو سٹیم(دھواں) اٹھتی ہے اس کے اوپر کچھ دیر ہاتھ رکھ لیں کیونکہ جب دونوں چیزیں تڑکا لگنے کے دوران برائون ہونا شروع ہوتی ہیں تو ان کی خوشبو بہت اچھی ہو جاتی ہے‘اس لئے ایسا کرنے سے ذرا سی دیر میں آپ کے ہاتھوں کی بدبو بالکل ختم ہو جائے گی اور خوشبو آئے گی۔ کھانے پکاتے ہوئے بھی اور تڑکا لگاتے ہوئے بھی آپ ایسے عمل کریں آپ کے ہاتھوں سے بالکل بدبو نہیں آئے گی۔
بلڈ پریشر کے مریضوں کیلئے خوشخبری
اگر آپ کا بلڈ پریشر بہت ہائی ہے اور اس وجہ سے ڈاکٹروں کی ہدایات کے مطابق نمک کا استعمال ختم ہو چکا ہے اور بغیر نمک یا کم نمک والا کھانا آپ سے نہیں کھایا جاتا یا بوجہ مجبوری کھاتے ہیں مگر کھانا بے ذائقہ محسوس ہوتا ہے تو اس کا ایک حل ہے جس میں بغیر نمک کے آپ ذائقہ دار کھانے سے لطف اندوز ہو سکتے ہیں۔اس کے لیے ایسا کریں کہ ہر کھانے کے ساتھ سلاد کو شامل کر لیں‘ سلاد کا کوئی نقصان نہیں بلکہ فوائد ہیں۔سلاد نہ ہو توصرف ٹماٹر ہی کافی ہے۔ٹماٹر کے چھوٹے چھوٹے پیس کاٹ لیں اور اگراس پر لیموںچھڑک لیں تو آپکا کھانا بہت مزے کا بن جائے گا‘جی بھر کر کھانا کھائیں گے ‘نمک کی کمی پوری ہو جائے گی اور کوئی نقصان بھی نہ ہوگا۔اس کے علاوہ اگر آپ شوگر کے مریض ہیں تو کوئی میٹھی چٹنی، کیچپ جو گھر میں بنائی ہواعتدال کے ساتھ کھانے میں مکس کر کے کھانے کو مزے دار بنا سکتے ہیں۔
پیپ سے نجات
میرے ہاتھ کی انگلی میں ناخن کے ساتھ بہت درد ہو رہا تھا اُس میں پیپ پڑ گئی تھی۔ میں نے عبقری دواخانہ کی تیارکردہ سکونی مرہم تھوڑی سی مقدار میں لے کر متاثرہ جگہ پر رات کو رکھ لگا سو گئی۔صبح اٹھی تو مسئلہ حل ہو چکا تھا‘ دوبارہ مجھےدوا لگانے کی ضرورت بھی نہیں پڑی ۔اس بات کو کافی عرصہ گزر چکا ہے‘ الحمدللہ دوبارہ کبھی مسئلہ نہ ہوا۔